Hargeysa(HWN):-Taliyaha Ciidanka Booliska Somaliland Cabdillaahi Fadal Iimaan,ayaa maanta kormeer ku soo maray Xarumaha Booliska ee Magaalada Laascaanood, iyadoo uu markii dambena uu Taliyuhu kulan la qaatay Masuuliyiinta sar sarre ee Gobolka oo ay isla soo qaadeen Xaaladda Amni ee gobolka iyo duruufaha u baahan in wax laga qabto.
 |
| Taliyaha Ciidanka Booliska Somaliland Cabdillaahi Fadal Iimaan |
Kormeerkan uu Taliyaha Ciidanka Booliska Somaliland Cabdillaahi Fadal Iimaan ku
soo maray Xarumaha Ciidanka Booliska iyo Xabsiga dhexe ee magaalada Laascaanood oo dib u dhis uu ka socday, ayaa waxa ku wehelinaayey Gudoomiyaha Gobolka Sool ,Duqa Magaalada Laascaanood ,Taliyaha Qaybta Booliska ee Gobolkaas iyo Saraakiil kale oo ka tirsan Ciidamada Booliska.
Taliyaha Ciidanka Booliska ee Somaliland C/laahi Fadal Iimaan waxaa kale oo uu kulan la yeeshay Gudoomiyaha Gobolka Sool iyo Duqa Magaalada Laascaanood, kaasoo ay diirada ku saareen Xaaladaha kala duwan ee gobolku uu ku jiro, gaar ahaan dhinaca Amniga oo safarka taliyuhu ku wajahnaa.
Waa markii ugu horeysay ee Taliyaha Ciiidanka Booliska Somaliland uu safar ugu baxo gobolka Sool tan iyo intii uu Xilka Taliye-nimo uu hayey.
A.A. Asporo
Hadhwanaagnews/Office
Hargeysa/Somaliland
Asporo23@gmail.com