|
|
Jaamacada Camuud Hoyga Nolosha,Aqoonta iyo Horumarka Ummada
(Hadhwanaagnews) Wednesday, July 11, 2012
Runtii anigu ma ihi arday jaamacada camuud dhigta kamidna ma ihi
shaqaalaha jaamacada
Runtii anigu ma ihi arday jaamacada camuud dhigta kamidna ma ihi
shaqaalaha jaamacada Camuud balse waxaan ahay arday hada dhameeyey
dugsiga sare.hadii aan wax yar iftiimiyo sababta igu kaliftay inaan
warbixintan ka qoro jaamacada camuud ayaa ah talaabada
geesinimada,kartida iyo karaamadu ku dheehan tahay ee ay 09/07/2012kii
ay u soo hoysay dhamaanba ummada reer S/land. Talaabadan ay shalay
qaaday ayaa ah mid indhaha caalamka u soo jeedinaysa sida ay wax u
qabsadeen shacbiga reer S/land mar hadii jaamacada Camuud laga Furay
takhasuska Master-ta iyo PHD.maqaalkani waxa uu hordhac u noqon doonaa
maqaalo si taxane ah aan u soo qori doono
Jaamacada Camuud waxaa laaas aasay taariikhdu markii ay ahayd 1997
xiligaas oo ay isku xilqaameen aqoon yahano reer Awdal ah kuwaasi oo
ka damqaday xaalada murugsan ee ay galeen umada
Somaliland gaar
ahaan bulshada Reer Awdal .
Fikirkan ka soo maaxday aqoon yahanada Reer Awdal ayaa waxa uu la ahaa
wax garadkii iyo dadweynaha reer Awdalba sheeko riyo ah sida dhalaan
habaabista oo kale. Inkastoo ay yaraayeen dadka qabay fikirka ah in ay
noqon doonto jaamacad cagaheeda ku istaagto. Maadaama uu dalka dadka
ku nool uu galay jawi mugdi ah taasi oo uu gabalku u dhacayey ayaa
waxa uu Alleh uga dhigay shimbir malayko aqoon yahanadii ay ka soo
burqatay in la yagleelo jaamacada.
hadaba maadaama ay sheegaan dadbadni maalintii la yagleelayey
jaamacada camuud ee dhidibada loo taagaayey in ay la ahayd riyo amaba
mala awaal ayna aaminsanaayeen in ay na shaqayn doonin balse ay
maanta ay shaqay nayso oo ay cagaheeda ku istaagtay maraysana heer ah
master ilaa PHD.
sikastaba ha ahaatee waxaa is weydiin mudan maxaa ay tahay sababta
ayna dadkaasi ay u aamini laaayeen in ay shaqaynidoonin jaamacadu
?maantase ma yaqiinsadeen in ay jaamacadu shaqaynayso? Laakiinse
dadkii maalintii la furayey jamacada u haystay riyo markay arkaan
jaamacadii oo shaqaynaysa maxaa la gudboon in ay qabtaan? Ma ka
ahaydse aamin laaantani mid xumaani ku dheehan tahay ?mase ahayd mid
ay ku lifaaqan tahay farxad iyo rayn rayn ay ummadu ku socoto? Ileyn
farxadi waa naxdine
Mise maamulkii waqtigaa hawsha waday ayaa la badalay oo mid kale ayaa
la doortay?
xaqiiqdii sababta keentay in ay dadbadani maalintii la daah furayey
jaamacada camuud ay u haysteen sheeko dhalanteed ah ayaa waxa ay
ahayd. Sheeko akhristow hadii ay kugu dhacdo adigaba ku galin lahayd
aamin daradeeda taasi oo ahayd
waa habeen roobabaad gabalku kuugu dhacay meel gari goan ah waxaa
daay roob ma hiigaan ah dhulkana waxaa ay biyuhu qariyeen meeshii
godnayd iyo meeshii kale. Onkodka iyo hilaaca roobka ayaa ah mid marba
marka ka dambaysa soo xoogaysanaya.kayntu waa jiq shan qadha u gaadha
iyo duur joogtu waa jalag.kaliya waxaa isku baxaya shanqada dhirta
marka ay dabayshu ruxdo biyaha ka daata caleemaha dhirta majirto
wehel aan Alle ahayn oo aad wadataa hadaba haddii uu jawigaa oo kale
kugu dhaco dhulna aad garanayn, kaynta aad dhexmushaaxaysidna uu ku
nool yahay habardugaag oo dhan.rajo intee leeg ayaad qabtaa in aad
baxdid adigoo bad qaba. Habeenkii oo dhana ku taahayey waagu dheeraa
waaguna kuu baryey adigoo bad qaba.
Hadaba sidaasi si lamid ah xiligaa la daah furayey jaamacada Camuud
ayaa waxa uu ahaa waqti dalka oo dhan uu ku jiro jahawareer aan sal
lahayn oo ku qotoma dhinacyo kal duwan.
Waqtigaa la daah furayey jaamacada camuud ayaa dhamaanba kaabayaasha
waxbarasho ee dalku waxa ay ahaayeen eber ama ka hoosaysa taasi oo
ka dhigan in ay wada bur bursanaayeen dhamaanaba kaabayaashii
waxbarasho ee dalku ,
Guuxa reenka iyo sawaxanka ka soo dhex maaxanayey bulushada dhexdeeda
ayaa ahaa kaliya isqab qabsi qabyaaladeed iyo u hanqadh taagid saami
qaybsi siyaasadeed iyo socod baradkii xukuumada Somaliland ee aan
maanta hooskeeda wada hadhsanayno isla markaana umada Somaliland
waxaa ku dhex milmay soft ware qabyaalad ah. Iyadoo uu xaalku sidaasi
yahay oo ay umadu ku jeedo arimahaa ayaa ay ku adkayd in ay aaminaan
fikradan ah yagleelid jaamacadeed .
.sababta keentay in ay dadku aamini waayaan in jaamacadan hada la
daah furayo ay noqoto mid caga heeda ku istaagta ayaa ahayd taasi,
Maadaama inan iyo aabihii ay wada baayacayeen qoriga buug iyo qalina
warkiisaba daa . xaalka dhalinyartada reer Awdal iyo Somalilanba ayaa
ahaa Sida Saylad xooluhu buuxaan iibna jirin taasi oo macnaheedu
yahay guri walba waxaa dhoobnaa raxan ubax ah kuwaasi oo ay ku bul bur
burtay isla markaana waxaa isa soo tarayey mawjadaha cabasho lagu
calmanayo waxbarasho reer jaamacadeeda oo uu dalku yeesho kaasi oo
himilo iyo dhiiri galin badan u noqdoona daa yartii ku jirtay
waxbarashada dugsiyada Hoose /dhexe iyo kuwa sareba .
inkastoo ayna ahayn ardaydii lagu furay jaamacada camuud kuwo ka soo
baxay dugsiyada sare ee jamhuuriyada S/land xiligaa la daah furayey
jaamacada camuud ayaa waxa uu dalku ku jiray jawi aad u adag oo dadka
maskaxdooda ku soo dhicin waxbarasho isdaa reer jaamacadeed isla
markaasina dadku wali ka soo kaban tiiftii iyo tiiraan yadii uu ku
reebay dagaaladii sokeeyo ee kala irdheeyey umada reer soomaaliland.
Xiligaas ay reer Awdal ku taamayeen in dhidibada ay u taagaan jaamacad
ayaa ay ku taamayeen qaar ka mid ah Gobolada dalku in ay bilaabaan
waxbarashada Dugsiyada hoose dhexe .
Intaasi ka dib mayeelatay jaamacada camuud haykalkii jaamacadeed yaase
maamul iyo boodh looga dhigay.......
La soco qaybaha dambe
Qalinkii C/casiis Cabdulaahi Ibrahim
cabdulcasiiscabdulaahi@gmail.com
********************************************************
Hadhwanaag marnaba masuul kama aha aragtida dadka kale. Qoraaga ayaa xumaanteeda, xushmadeedda iyo xilkeedaba sida. waxa keliya oo hadhwanaag media dhiirigelinaysaa, isdhaafsiga aragtida, canaanta gacaliyo talo wadaagga
|