Gabay: Yaa suxufi noqon kara Waxa tiriyay Maxamed Cabdi Xuseen

Habeen baan saqdii dhexe  markaan seexday kaligay siduu Haatuf ii yimid hurdadii ka sare kacay

Naftaydaa su’aal adag waxay saani ii tidhi.

Waa maxay saxaafaddu? Suxufigu waa kuma?  Markay igu sargaxanteen kala saari waayayna      Safka Aydhambaan galay;  Barayaal sarreeyaa       saani iigu qeexoo             iigu dhigay samuuradoo   Jawabtoo saxaan helay. 

style="FONT-SIZE: 13pt; LINE-HEIGHT: 115%; mso-bidi-font-size: 11.0pt">Surad iguma oodine   sursuur igama galinine   seeskay I mariyeen    iidhige sameecado   mawjadaha u sooca ah  sowdkayga laga maqal    satalaayd u yaallana   sawirkayga laga arag   waxba yaanu siinkani         ii dhiibin saadkee          waxaan uga socdaa waa!

Waxa suxufiga noqon kara  siday iigu sheegeen

Sababaha Xog lagu helo  Ilihiisa sooca ah, summaddiyo tilmaamaha  midka sari yaqaannee   xabadi aanay seegayn

Waxa suxufi noqon kara  kan warkiisu suganyahay  wixii soo kordhee dhacay  sababtay lahayeen        ciddii suurtagalisiyo         illaa saacaddiisii     ku      sajala ciwaannada

Faahfaahin siiyee        saddex-xagalka foorara          saabkiisa galiyee              qof waliba sahashado. 

Waxa suxufi noqon kara     Saxalkiyo colaadaha midkaan siidhi qaadane    bulshada sugaysana suntan aan u qooshinoo  waabayda siinine              wixii saxa u keenaa         Sumcaddiisa kaashada

Waxa suxufi noqon kara     Siliciyo dhibaatada  saxariirka meel yaal        sama fali yaqaanoo     bulshada sugaysana      sawirkooda muuqiyo      Soo hordhiga tilmaamaha

Waxa suxufi noqon kara   caadifad kan siibee      dadka soo dhawaystee   qof walbaba salaan wacan  ku soo jiidan karayee    samawdana u badiyee   Cadhaduna ka saarrayn sanka iyo bushmaa oon   dadku salal ka qaadayn

Waxa suxufi noqon kara   muuqiisa kii sima      suudhkiyo kabaa iyo timahaa sarreeyaba  saqalkiyo boodhkiyo         ka  ilaasha siigada       oo sidii loogu talo galay         soo jiita aragtida     

Waxa suxufi noqon kara       siyaasi rug caddaayoo    soo jiray gu’yaal badan   markuu soonihii galo     ruux aan sasaaynee     sakatiga aqoonine            cid  walbaa u simantahay  haldalna aanu seegayn

Waxa suxufi noqon kara    sagsaag kaan aqoonnine   Sarifkiisa guranine       Cidna saarin dheegee     qof walba siduu rabo     ugu sacabo tuminee      su’aalaha muhiimka ah seedaha ku kala jara

Waxa suxufi noqon kara  kaan seetadiisiyo     Sirihiisa cidi helin

Waxa suxufi noqon kara   dareenkiisu ruuxuu Sidhabaaw shaqeeyee     Soo jeeda abidee    dhaguhuu sifaystiyo  indhihiisa kala fura bulshadana la socodlee   fakradahana ka sahansada

Waxa suxufi noqon kara     Saldhig ruuxa yeeshee    Sarta uu ka hawlgalo    saabaan u yaallee   sanqadhana ka dhawree   Sawaxankiyo qaaylad    suuqyada ka duwantaha

Waxa suxufi noqon kara     Mid uu saatir garashada   hibo uu u siiyiyo       mid kaluu sed uga dhigay     markuu samirka kaashaday   kalsoonidaw siyaadshoo isna saamigaa hela

Suxufiyiinta maantiyo   saaxiibadayoow  sarbeeb weeyi maansadu  sillan oo haddana sugan                 ku sajaln sidaan idhi

Sahaay kii u qaatiyo midka    saaydhinaayoow          waad saad ka dhigataa

Surmaseegto khaladood   satalaydka galisaa                dadku saw ma naxayaan  

Hubka sebenka qiiqiyo   suugiyo ha noqon olol   isku rido siyaasigu 

Qofna suuraddiisiyo    sinjigii ha dhaawicin   

Soohdimaha dagaallada  seefgaraay naftaadoo  suuraaf ha noqonine      ka soocnow dadweynaa     sida saalaamadhlaa  hawd ha u soconnin keligaa      samirkiyo dulqaadkana   seetiyo ka dhigo dabar   salfudaydku yaanu          wax walba ku solansiin