Hargeysa (HWN):Sida ay tibaaxayaan wararka goor dhawayd soo gaadhay Shabakadan caalamiga ah ee Hadhwanaagnews,in laga siidaayay saacado kooban ka hor Borqor Cismaan Aw-Maxamuud Buur-madow jiilkii Mandheera oo uu baryahanba ku xidhnaa,iyadoo loohaystay danbiyo ay dowladu ku soo oogtay oo isugu jiray qaran dumis iyo aflagaado m/weyne,waxaanay maxkamadi ku xukuntay xadhig halsano ah.

Boqorka waxaa soodayntiisa gacan wayn ka gaystay sida ay ilahaasi noo xaqiijiyeen Odayaal ka soo jeeda beesha boqorka iyo dhinacyo kale oo sameeyey dalaad aad u badan sidii arinkaa loo soo af-jari lahaa,oday dhaqameedka oo sida wararku sheegayaan caasimada Hargaysa ku yimi yeedhmo uga timi dhanka xukuumada gaar ahaan M/weyne

A.M.Maxamuud Siilaanyo,sidii ay uga wadahadli lahaayeen arinkan,taas oo sida muuqata markii danbe lagu guulaystay.

Macada Boqorka in dowladu ka helidoonto balanqaad uu ugu balan qaadayo inaanu afka furandoonin marhaduu banaanka u soo baxay,waxaase la eegi doonaa sida arin noqdo iyo boqorka talaabadiisa ugu horaysa,wararka qaarna waxay sheegayaan inuu jiro heshiis dhex maray labada dhinac,arinkaase waxaa ka jawaabidoona maalmaha iyo todobaadyada soo socda.

Waxaa jiray sida inteena badani la socotay,warar maalmahanba laysla dhexmarayay,kaas oo sheegayay siidaynta Boqor Buur-madow,wararkaas oo ahaa kuwo aan sal iyo raadtoona lahayn,iyadoo runtuna tahay warka maanta iyo xoriyadii boqorka oo maanta u kowsatay,sida shabakadan oo arinkaa ku haysay dabagal joogta ah caawa xiliga Maraykan iyo subaxnimo hore dhanka Somaliland loo xaqiijiyay.


Shabakadan caalamiga ah waxay isku dayidoontaa inay xidhiidh la samayso Boqor Cismaan Aw-maxamuud Buur-madow,waxaanuna balan qaataynaa inaan saaxiibayaal idiin soo dayndoono wixii war ah ee arinkaa ku soo cusboonaada.



Fariin warkan waxa uu gaar u yahay Shabakada Caalamiga ah ee Hadhwanaagnews.
wariyaha Shabakada ee Arimaha Siyaasada Dibada
Saciidjamaal Xaaji Cali Saciid/Saciid-jamaal
saciid-jamaal@hadhwanaag.org