|
|
Dadkii Ku Geeriyooday Shilka Baabuur ee Ka Dhacey Duleedka Bari ee Magaalada Gabiley oo La Shaaciyay iyo laba Marxuum oo aan ilaa iyo hada La Aqoonsan
(Hadhwanaagnews) Tuesday, July 31, 2012
Gabiley(HWN)-Shanti Marxuum ee abaara fartii iyo dheeraad Galinkii Dambe ee Maanta ku geeriyooday Shil Baabuur oo ka dhacey Duleedka Bari ee Magaalada Gabiley kadib markii ay isku dhaceen Baabuurkii ay saarnaayeen oo ahaa taxi
Gabiley(HWN)-Shanti Marxuum ee abaara fartii iyo dheeraad Galinkii
Dambe ee Maanta ku geeriyooday Shil Baabuur oo ka dhacey Duleedka Bari
ee Magaalada Gabiley kadib markii ay isku dhaceen Baabuurkii ay
saarnaayeen oo ahaa taxi nooca loo yaqaan (Garande), iyo Baabuur
Toyota ah(LandCurieser) ah oo ay laheyd Shirkada Qaadka Gaafane, oo
usocdey isagu dhinaca Magaalada Hargeysa isagoo sida qaad ayaa
Magacyadooda la shaaciyay sadex Marxuum oo kamid ah halka ilaa iyo
hada aan la aqoonsan Laba Marxuum.
Waxaana Shilkaasi dhaawac kasoo gaadhey afar qof oo kale iyadoo, ay
baabuurka shanta qof ku geeriyoodeen ee Taxi(Garande) ahi, oo usocdey
dhinaca Magaalada Tog-Wajaale kana yimid dhinaca Magaalada Hareysa ay
ku dhaawcmeen dirawalkii wadey baabuurkaasi iyo Hooyo wiilkeedu ku
geeriyooday oo Magaceedu yahey Hooyo Caasha Hayaan Diiriye, iyo
dirawalkaas oo Magaciisu yahey Abokor Xasan.
Taliska Ciidanka
Booliska Gabiley oo goor dhaweyd u Waramay Shabakada
Wararka Hadhwanaagnews ayaa sheegay in ay ilaa iyo hada hayaan
Marxuumiinta ku geeriyooday Shilkaas baabuur Sadex kamid ah
Magacyadooda oo la aqoonsadey kuwaas oo kala ahaa, Marxuum Maxamed
Siciid Maxamuud(Ina-Gurey), iyo Marxuumad Saynab C/raxmaan Xaaji
Maxamed iyo Marxuum Axmed Daahir C/salaan.
Waxa soo gaadhey Magaalada Gabiley goor dhaweyd Gudi kasocda Taliska
Guud ee Ciidanka Booliska Somaliland gaar ahaan Laanta Nabedgelyada
Wadooyinka kuwaas oo guda galey baadhista Shilkaasi, iyadoo dhinaca
kalena siweyn looga wada naxey masiibada shilkan Baabuur ee galinkii
dambe ee Maanta ka dhacey Duleedka Bari ee Magaalada Gabiley nawaaxiga
Jameecada ama agagaarka biriishka Bari ee Magaalada Gabiley, waxaana
hada lagu daaweynayaa dhaawacii Cusbitaalka Guud ee Magaalada Gabiley
iyadoo laba kamid ahi uu aad u sahlan yahey dhaawacoodu.
Ma aha markii ugu horeysay ee shil baabur ka dhaco agagaarka jidadka u
dhexeeya Gabiley iyo Hargeysa Arabsiyo iyo Hargeysa iyo Gabiley iyo
Kalabeydh dhexdooda iyo waliba Gabiley iyo Boorame inta u dhexeysa
haseyeeshee, marar badan ayay Baabuurta qaadka kuwa caanaha iyo kuwa
Gaadiidka dadweynaha ee rakaabka qaadaa isku dhaceen nawaaxigan aan
soo xusney iyadoo shilalkooduna sababeen khasaare dhimasho dhaawac iyo
Gaadiidba leh.
Hadhwanaagnews Gabiley Office
|