Saldhigyadan ay banneeyeen ayaa ku yaalay qaybo ka mid ah wadada dheer ee Warshadaha sida Warshada biyaha Caafi, Coca-cola, Isgoyska miisaanka dhuxusha, Saraha caymiska iyo qaybo kale oo ka mid ah wadada warshadaha.

Lama oga sababta ay ciidamadaasi uga ruqaansadeen goobahaasi, balse habeenadii

ugu dambeeyey waxaa ka dhacay aagaggaasi dagaallo cul-culus oo ay kula galeen Xarakada Al-Shabaab oo haatan majaraha u haysa inta badan dagaalada ka dhaca Muqdisho iyo gobolada kale ee Somaliya.

Ciidamada Al-Shabaab ayaa sida lagu soo warramayo caawa lagu arkay fadhiisimadii wadad warshadaha ee ay ka baxeen ciidamada AMISOM iyo kuwa DKMG Somaliya. Waxaanay halkaasi ka wadeen dhaq-dhaqaaqyo qorshaysan oo ay doonayaan inay ku qabsadaan gabi-ahaanba magaalada Muqdisho.

Sidoo kale waxaa caawa lagu arkay xoogagga xarakada Al-Shabaab iyagoo ku sugan fadhiisimo ay maanta banneeyeen ciiamada AMISOM, kuwaasi oo ku yaala deegaanka lafoole ee duleedka caasimadda Somaliya ee Muqdisho.

Hargeisa, Somaliland.