Dhammaan akhyaarta magacyadoodu hoos ku lifaaqanyihiin oo ka mid ah qurba jooga ka soo jeeda Gobola Togdheer, Saaxil, iyo Maroodi Jeex iyo Gabiley ayaa halka ku soo gudbinaya fikradda ay ka qabaan iyo aragtidooda ku wajahan hadalo is dabajoog ah oo ka soo yeedhaya koox ka mid ah madaxdhaqmeedka Beesha Subeer Awal:--

Haddii aadamuhu ka xuubsiibto kaalintu kaga aadanaa bulshada, oo hawl aan loo igman tuurta ku qaato waxa hubaal ah in uu lumiyo milgihii, karaamadii, sharaftii, qaderintii, iyo maamuusba. Waxana hubaal ah marka ay arrimaha noocaas ihi dhacaan in su´aalo badan la isweydiiyo. Sida sooyaalka taariikhdeenu sheegayo Madaxdhaqmeedku wuxu bulshada kaga jirijirteyu kaalin mug leh oo ay ku lahaayeen ixtiraam maa daama ay hawsha ay hayaan

aqoonteedii iyo waayo aragnimadeedii lahaayeen, sidaana ay ku kasbadeen kalsoonidii. Horeyso iyo dambeysaba kaalinta madaxdhaqmeed haybad iyo karaamo kula lahaa waxay ahayd nabadaynta bulshooyinka degel wadaag ah markay xurkufo iyo xasilooni darro ka dhex aloosanto. Daawaantay iyo deminta colaaduna waxay ahayd ta ugu muhiimsan. Sida darteed ayaa waxa lama huraan ah in madaxdhqmeedka sebenku ku ekaado kaalintaa soo jireenka ah ee ay ummada ugu igmanaayeen.

Iyada oo dalkuba sidiisa ula liito jahawareer siyaasadeed oo la garan la´yahay xukuumaddii dalka taladiisa haysey meel ay ka socoto iyo meel ay ku jiheysantahay toona, ayaan waxaan marnaba haboonayn in ay qaar ka mid ah madaxdhaqmeedka Beesha Subeer Awal ay ku dhex milanto qaabka iyo farsmada dib u dhiska iyo Saami Qeybsiga Wershedda Sibidhka ee magaalada Berbera sababtuna waxay tahay arrintu way ka baxsantahay xeyndaabka cimaamadda madaxdhaqmeed ka taliyo. Inaga oo ogsoon in dalku u baahanyahay wershedeyn iyo horumar kaleba ayaa isla markaana wax habboon in jidka wax ku qabsoomayaan aan indhaha laga lalin. Marka wershed sibidh la hirgelinayo waxa ka horeysa in si cilmiyeysan looga baaran dego dhib iyo dheef masruuca noocan ah wixii ka iman kara. Cidda daraasadda samayneysaan waa in ay noqdaan dad aqoonteedii leh oo lagu kalsoonaan karo. Ka dibna waxay ummaddu iska kaashan kartaa maal gelinta wershedda iyadoo gancsatada iyo bulshadu gudo iyo debedba ka qeygeleysa. Shakhsi iyo kooxi toona xaq gaar ah uma laha in ay ku kaliyeysato maalgashiga dalka e ha la ogaado in loo simanyahay.

Sidaa marka ay tahay ayaan haba yaratee kaalini uga bannaanayn kooxda madaxdhaqmeedka Beesha Subeer Awal e leh waxaanu go´aan ku gaadhnay in laba wershedood oo sibidh Berbera laga dhiso. Kooxdan warbaahinta hadba wax ka soo tebineysaa ha ogsoonaato in ay qori dab leh ku qabteen ummaddii ay madax dhaqmeedka u ahaayeen, oo waa taa markhaati madoon laba goosan u kala dhaqaaqday. Arrintaasi waxay qumaati u dureysaa caqliga fayow oo inna tusaya in awood dhaqaale wixii la helyo meel la isugu geeyo si ay u fududaato kicinta wersheddan laba iyo labaatanka sannadood fadhidey. Waxa la gudboon madaxdhaqmeedka dalka gebebi ahaantoodba in ay ka waantoobaan arrimaha siyaasadda iyo dhaqaalaha maa daama aynu ka soo gudubney xiligii ay xukuumad iyo madaxdhaqmeed talada dalka ku hirdami lahaayeen.

Ugu dambeyntii waxanu leenahay inta arrintan si toos ah fara ugu la jirta iyo inta daaha dabadiisa ka riixaysaba: Hayaanku marbuu ahaa; mar labaad si fudud gibilka saarimayse, yaan meesha lagu karaamo seegin. Madaxdhaqmeedoow shaqadaadii ku ekow oo halka baylahda dhabti ihi ka jirto ka hawl gala.

Magacaya dadka fikradan soo jeediyey:

1. Ahmed Ali Ibrahim

2. Hassan Osman Abdi

3. Adam Mohamed

4. Omar Mohamed

5. Abdirashid Hassan Ahmed

6. AbdiHakim Mohamed Abdillahi

7. Mousa Nour Duale

8. Ahmed H. Mohomed

9. Ahmed Ismail Meygag

10.  Abdirezaq Hassan Adam

11.  Abdi Ibrahim

12.  Awil Adam Mohamed

13.  Abdirasheed Ali Hassan

14.  Ahmed Ali Hassan

15.  Omar Hassan mohamoud

16.  Yassein Abdillahi Elmi

17.  Abdi Mohamed

18.  Saeed Adan Mousa

19.  Ibrahim Ali Osman

20.  Dr. Kendiid Ali Hassan

21.  Mohamed Osman Ali

22.  Eng.Mohamed Abdillahi Nur

23.  Hassan hussein Migane

24.  Ali Abdi Jama (Ali Jackson)

25.  Mukhtar Abdillahi Nur

26.  Kendiid Ali Amman

27.  Hussein Liban

28.  Ibrahim Hassan Warsame

29.  Muse Jama ( Muse Casood)

30.  Mohamed Yusuf Ali

31.  Ahmed Abdillahi (Gadhle)

32.  Mustafe Hussein

33.  Abdi Fatah Ahmed Mohamed

34.  Farhan Abdilahi Elabe

35.  Cabi M. Mohamud Omar Hashi

36.  Abdirahman Yusuf (Anis)

37.  Mohamed Ibrahim Qalinleh (Ciro Side)

38.  Mohamud Khayre

39.  Mohamed jama nuur

40.  Cali Cabade

41.  Ibrahim Mead

42.  Abshir Nur Omar       

43.  Abdiqadir Muhumed Mah

44.  Abdi Ismail (Dhamac)

45.  Abdi Kayd Sahardid

46.  Abokor Ibrahim Mohamed

47.  Ahmed Mohamed Suleiman

48.  Ahmed Nasir Mohamed

49.  Ahmed Yassin Mohamed

50.  Eric Raymond

51.  Hassan Guleed

52.  Ismail Hersi

53.  Osman Hashi Awad

54.  Hassan Adami(Cadami

55.  Awale Abdirahman Mohamed

56.  Abdirahman Batun

57.  Ahmed Abdi Guleed

58.  Yousuf Ahmed Absiye

59.  Yousuf Jabouti

60.  Dahir Mohamed Rageh

61.  Mohamed Osman Ahmed

62.  Ismail Yamakama

63.  Mursal Odowa

64.  Hussein Garage

65.  Mohamed Ahmed H. Elmi

66.  Abdirahman Kuwaiti

67.  Mohamed Ali Hersi(Deeq)

68.  Mohamed Osman Hashi

69.  Mohamed Ali Egeh

70.  Warsame Ali Egeh

71.  Abdirahman Yousuf Osman

72.  Ali Yousuf Osman

73.  Ali Hassan Awale

74.  Nasir Hassan Awale

75.  Jamal Abdirisak (Jayna´ade

76.  Abdirizak H. Ibrahim Jayna´ade

77.  Mohamed Ibrahim Gamoute

78.  Anwar Omar Kujoog

79.  Jama Awl

80.  Mohamed Ali Kostin

81.  Ali Ibrahim