diyaarada oo aan ka warqabin ayaa loo sheegay in sababta xafladan loo qabanayaa tahay ama la xidhiidho, xuska qaranimada Hindiya oo ku beegan isla xiligii loo qabtay badhig faneedkaas, sida rakaabka diyaaradu ku warameen muusigii dabacsanaa ee goobtaas laga tumayay iyo fanaaniinta codka macaan ee dalka Hindiya kuwooda ugu caansan oo diyaarada dusheeda ka dhigay bandhigaas ayaa si wayn u soo jiidatay, kuna khasabtay in rakaabka oo dhami wada ciyaaro.
Dhamaan rakaabka diyaaradaa la socday iyo kooxdii muusiga tumaysay ayaa mar kaliya isla oogsaday, waxaana diyaarada dusheeda ka bilaabmay qoob ka ciyaar la is laba rogay, taas oo lagu jiray muddo saacad iyo dheeraad ah, aadna loo mirqaamay sida ka muuqata muuqaal fidiyow ah oo shirkadu ku baahisay shabakada youtube.
Muuqaalkan iyo dhacdadan ayaa si wayn u soo jiitay dadkii booqday ama daawaday, waxaana sideed iyo afartan saacadood gudahood muuqaalkaas fidiyowga ah ku daawaday, dad lagu qiyaasay ilaa sadex milyan oo qof.
Mid ka mid ah rakaabkii duulimaadkaas Vienna ilaa Delhi ee diyaaradan ku safrayay ayaa warbaahinta u sheegay, sida dhacdadani markii hore ugu noqotay mid ka yaabisay, hasa yeeshee waxa uu xusay in ay aad uga heleen oo markii danbe la wada mirqaamay wakhti diyaaradu Delhi gaadhayna ay garan waayeen oo ay ku war heleen uun markii loo sheegay inay ku degayaan madaarka Dehli.
Faysal Maxamed Xasan
Hadhwanaag/office Hargeysa Somaliland
f.maxamed03@hotmail.com