Hargeysa(HWN):-wasiirka hidaha,dhaqanka iyo ciyaaraha Somaliland Cali Siciid Raygal ayaa maanta kor meer ku soo kala bixiyey garoomada kubada cagta ee uu ka socdo tartanka loogu tala galay bisha barakaysan ee Ramadaan.
 |
| Wasiirka Iyo Masuuliyiinta Wehelinayey Oo Ku Sugan Garoonka Weyn Ee Hargeysa Stadium. |
Wasiirka oo maanta kormeer kala duwan ku soo kala bixiyey garoomada ku yaala magaaalda Hargeysa kuwaas oo ay ilaa hada si habsamiya uga socdaan tartamada loogu tala galay bisha barakaysan ee Ramadaan ayaa waxa kormeerkiisa ku wehelinayey agaasimaha guud ee wasaarada hidaha,dhaqanka iyo ciyaaraha Mustafe Maxamuud Qodax iyo agaasimaha
guud ee wasaarada kaluumaysiga iyo khayraadka bada Maxamed Cilmi Ilka case.
Ujeedada kormeerkan ay wasiirka iyo xubnaha kale ee wehelinayey ku kala bixiyeen garoomada kala duwan ee sida habsamida ah ay uga socdaan tartanada loogu tala galay bisha barakaysan ee Ramadaan ayaa ujeedadiisu ahayd inay u kuur galaan sida ay u socdaan tartamadaasi iyo heerka ay ilaa hada soo gaadheen.
Waftiga wasiirka ciyaaruhu hogaaminayey ee maanta kor meerka ku soo maray garoonada ku yaala magaalada Hargeysa ee uu ka socdo tartanka kubada cagtu ee bisha barakaysan ee Ramadaan ayaa waxay warbixino ka dhagaysanayeen guddida iyo garsoorayaasha gacanta ku haya tartanadan kala duwan ee ka socda garoomada magaalada Hargeysa, kuwaas oo iyaguna wasiirka iyo waftigiisa faahfaahin buuxda ka siinayey sida ay u socdaan tartanadaasi iyo ilaa hada heerka ay soo gaadheen iyaga oo dhinaca kalana wasiirka iyo waftigiisa ku hanbalyeeyey kormeerka ay maanta ku kala bixiyeen garoomada kala duwan ee ay ka socdaan tartanada kala duwan ee loogu tala galay bisha barkaysan ee Ramadaan.
Cabdirisaaq Good Nuur
Hadhwanaagnews/Office
Hargeysa/Somaliland
Goud423@gmail.com