Ramadaan ee ka socday garoonka Hargeysa Stadium ayaa waxa ka soo qayb galay agaasimaha guud ee wasaarada dhalinyarada,ciyaaraha iyo dhaqanka Mustafe Maxamuud Qodax,la taliyaha madaxweynaha ee arimaha dhalinyarada Najax Siyaad Aw Cabdi,qaar ka mida qurba jooga Somaliland iyo dadweyne aad u tira badan.
Ciyaartan lagu soo xidhayey koobka bisha Ramadaan ee garoonka Hargeysa Stadium oo dhex martay kooxaha Baby Shop iyo Iimaan Construction ayaa waxay ku dhamaatay hal gool iyo waxba ay guushu ku raacday kooxda Baby Shop,goolkaas oo uu qaybtii danbe ee ciyaarta dhaliyey ciyaaryahanka lanbarka tobnaad u sita kooxdaas ee Haybe Good Hure.
Xidhitaanka koobka bisha Ramadaan ee garoonka Hargeysa stadium ayaa waxa ugu horayntiiba ka hadlay gudoomiyaha garsooorayasha Somaliland Khadar Jiilaal Jaamac kaas oo ka hadlay marxaladihii kala duwanaa ee uu soo maray tartankani iyo sida ay uga qayb qaateen kooxihii tartanka ku jiray, waxaanu u mahad naqay ciyaaryahanka maal galiyey koobkan ee Yuusuf Nuux Yuusuf Tadhase,sidoo kale waxa uu u mahad naqay shabakada Caalamig ah ee Hadhwanaagnews,wargeyska geeska Afrika iyo telefishanka qaranka oo uu sheegay inay si wanaagsan ugala qayb qaateen hir gelinta tartankan.
Xidhitaanka koobka bisha Ramadaan ee garoonka Hargeysa stadium ayaa waxa ka hadlay agaasimaha guud ee wasaarada dhalinyarada,ciyaaraha iyo dhaqanka Mustafe Maxamuud Qodax waxaanu mahad naq balaadhan u soo jeediyey ciyaaryahanka maal galiyey koobkan ee Yuusuf Nuux Yuusuf Tadhase kaas oo uu ku guuubaabiyey inuu halkaa ka sii wado taageerada uu siinayo dhalinyarada Somaliland ee ku jira xirfada kubada cagta, sidoo kale agaasimuhu waxa uu ciyaaryahanadii ka qayb galay tartan ku hanbalyeeyey sida quruxda badan ee ay uga qayb qaateen tartankaa,.