Home World Suugaan Sport Entertainment Contact Us RadioHadhwanaag


Kulmiyoow ma doorashadii baa soo dhowaatey maxaad ceelafweyn iyo sanaag ka doonaysaa maantana.

(Hadhwanaagnews) Friday, August 24, 2012


waxaan salaamayaa dhamaan shebekadaha wararka iyo shacabkayga qaaliga ah salaantaas ka dib waxaan doonayaa inaan maanta ka hadlo arin ku saabsangulufka siyaasadeed ee xisul xaakimka KULMIYE ku qaaday beelaha dega gobolka sanaag siiba ceel afweyn oo waagii hore ahaan jirey taageerayaal xisbiga kulmiye udhaarsan kaalin weyna ku lahaa guushuu kursiga ku gaadhey
in kastoo aan wadanka ka maqnaa doorashii ugu danbeysey ee madaxtooyada lagu geliyey oday siilaanyo waxaan goob joog ka ahaa intii doorasho ee ka horayseyba hadaba bal aan kulmiye in yar xasuusiyo heerarkii reer sanaag la soo mareen halgankiisa iyo weliba siday ugu hiiliyeen

1_ doorashadii GOLAHA DEEGAANKA 2002 dhamaadkiisii: waxaan ka mid ahaa ragii sida hagar la,aanta ah ugu
ololeeynaayey xisbiga kulmiye dedaal iyo hawl badan ka dib kulmiye wuxuu ku guuleystey inuu noqdo xisbaga labaad ee gobolka ugu codka badan waxa keliya oo ka horeeyey xisbiga udub oo xiligaa isticmaalaayey dhaqaale iyo awooda dawlada halka xisbiga kulmiye uu ku soo shaqo tegey TOLAAYEEY iyo SNM BAAN XUKUMI JIREY

2_doorashadii MADAXTOOYADA 2003 : sanadkaasna waxaan ka mid ahaa ragii guntiga u xidhay sidii xisbigaasi kulsiga u soo bixi lahaa muusanoowgaasina maruun nooga dhamaan lahaa waxaana ilaahay nagu guuleeyey in xisbiga kulmiye kaalinta koowaad kaga soo baxo gobolka sanaag in kastoo siddnu jeclayn aanay noqon koo kursigiiindhaca looga ciideeyey hadana waajibkii taageerayaasha kulmiye saaraa waa laga soo baxay oo waba lagama hagran

3_doorashadii BAARLAMAANKA 2005 : doorashadii baarlamanaaku waxay ahayd mid ka dhib badan kuwii hore waayo qabaa,ilkaa mada laysu geliyey dadkuna waxay kala dooranayee raga markaas u sharaxan beeshooda calaa kuli xaal anigu waxaan taageeray sanadkaas nin ka sharaxan xisbiga udub waxaanu haysaney taageeradii dawlada iyo kharashkii lagu fan gareeynaayeyba hadana waxaa afka ciida noo daray shacabkii taageersanaa xisbiga kulmiye iyagoo ku shaqaynaaya qiiro iyo is xilqaan boqolaalkii gaadhi ee aanu is daba dhignay ee sameecadaha ku sii xidhanay iyo balanqaadadayaadii faraha badnaa ee daahir riyaalle na soo faray waxba waa noo qaban waayeen waxaa keliya oo aanu dhaafi kariba weyney dumar iyo caruur jibeysan oo kulmiye sida quraanka ugu heesaaya magaalooyinkii ugu camiraa ee aanu codka ka rabneyna qaarkood rasaas baa nalagaga eryadey NB( hadalkaas aan sheegayaa waa hadal xaqiiqa ah oo aan helaayo boqolaal qof oo iiga mara kaca)

4_doorashadii MADAXTOOYADA 2010 : anigu maan joogin wadanka laakiin xogagaal baan ka ahaa runtiina inkastoo doorashadii ugu danbeysey aan udub ahaa hadanawaxaan ahaa udubtii isbedel doonka ahayd waxaan in badan qoraalo iyo telifoonaba kaga taliyey in wadanku u baahan yahay is bedel rag, badan oo mihiim u ahaamarkaas xisbiga kulmiyena waxaan ku guuleystey inaan telka kaga qanciyo inay mawqifkooda bedelaan NB (arinkani maaha wax aan abaal ama xil kaga rabo KULMIYE)

doorashadii dhacdayna waa la wada ogaa sida reer sanaag ugu hiiliyeen xisbigan KULMIYE iyagoo naf iyo maalba u huray waxayna noqotay inaay kaalinta koowaad ku hubsadaan xisbigay sideeda sanadood ciida u soo cunayeen maalintii lagu dhawaaqay inuu ku guuleystey KULMIYE doorashada waxaad moodeysey dadka inay gaadheen guushii ugu danbeysey waxayna sameyeen damaashaad la odhan karo wuxuu la mid ahaa kii berigii FAQASHTU inaga tagtay oo kale la samayn jirey hada waxaa is weydiin leh

xagee ku danbeysey rajadii iyo rayrayntii shacabkaSANAAG ka qabeen xukuumada uu dhisi doono mudane SIILAANYO? xagee ku danbeeyeen balanqaadaii faraha badnaa ee siilaanyo afkiisa kula galay shacabka daacad u ahaa xiligaas? aaway wadadii laamiga ahayd ?aaway ceelashii macaanaa? aaway dhismihii dekeda xiis iyo mayadh? maxaa garoonka diyaaradaha ee ceerigaabo ka qadiyey dhaqaalaha lagu maal gelinayo gobolada kale?
su,aalahaas iyo kuwo kaloo ka badaniba waxaa ka jawaabi kara qofkii galay balanta!!!!!!!!!!!!!! in lays weydiiyaana waa shay gara!!!!!!!!!!!!!!waxa keliya ee qolada kulmiye taageetaa marka su,aalahan la weydiiyo ay ku jawaabaan afar erey oo la qaybiisey oo jeebka sare ee bilaa badhnka ah ku jira markiibana lagaala soo hor boodaayo afartaas erey oo ah
1_ mushaharkii macalimiinta iyo askartaa la kordhiyey
2_giinbaartii burcaa la bedeley
3_boqol hay,adood baa wadanka laga hawl geliyey oo berkedo ka qoda
4_madaarada hargaysiyo berberaa la dhisayaa
5_miisaaniyadii wadankaa boqol malyuun dhaaftay ETC

waxaan leeyahay intaas aad sheegteenba waa in jirta waanuna ugu hanbalyeynaynaa kulmiye laakiinse miyeydaan ogeyn in waxa loo doortayba ay ahayd intaas iyo in ka badan inay qabato carabtaa ku maahmaahda (LAASHUKRI CALAL WAAJIB) RAGII ka horeeyeyba wax ka badan bay sii qabteen guriga seeska waxaa u taagey alle haw naxariistee CABDIRAXMAANTUUR isna alle haw naxariistee CIGAAL daaqaduhuu guriga gaadhsiiye RIYAALENA dhakada saruu geeyey SIILAANYONA INUU JIINGADA SAARAA WAA LOO DOORTEY laakiin ma is weydiiseen inta khaladaad ee inta kulmiye jooge ka dhacay
1_waxaa laysu furay XAMAR IYO HARGAYSA ka dib markii la laalay xeerkii dadka xakameynaayeey

2_waxay ka raali noqotay xukuumada siilaanyo in iayadoo ciidamadeedii hareeraha ka fadhiyaan TALEEX lagu aasaaso maamul goboleedka KHAATUMO

3_waxaa faraha ka baxay musuqmaasuqii ay ku ceebayn jireen xukuumadihii ka horeeyey

4_waxaa dib boodhka looga tumay qabyaaladii oo reerwaliba tilfeeyshankuu taagan yahay isagoo wuxuu doono ku hadlaaya

5_waa la cabudhiyey saxaafadii madaxa banaaneyd ee iyo ra,yigii qofka tusale(hada waxaa lix bilood ku xidhan boorame nin siilaanyo gabay yar u tiriyey buur madoowna waad ogaydeen wixii lagu sameeyey markuu dhaliisha xakuumada taataabtay)

6_waxaa baaba,ay haykalkii dawladnimo oo waxaa isku milmay golayaashii qaranka oo dhamaantood madaxtooyada looga taliyaa wixii doonana waa la jiidhsiiyaa
7_waxaa iyana la waayey hayadii GARSOORKA iyo CADAALADDA oo sidaad ka war qabtaan xukuumadu faraha kala bixi weydey

8_waxaan ilaa hada guul laga gaadhin dagaalkii mashruuca laga dhigtay raga badan iyo shacabuna ku le,deen ee buuhoodle oo aad moodo in shacabla deegaanadaa loogu talo galay in lagu baa,biiyo waayo ciidan maalina la sii wado maalina la soo wada waxaa dhaami lahayd in ama khariirada laga saaro buuhoodle ama si saxa khariirada loo soo geliyo
oo laga baxo IJIID AAN KU JIIDEE JEENYO DAALIS WEEYEE

9_waxaa diciifay xidhiidhkaan la lahayd dawladaha jaarka siiba itoobiya waxaad la socotaan in ciidamada kilalka shanaad siday doonaan ka yeelaaa xuduudaheen iyo weliba shacabkeena degan degaankaas taas oo aan dhici jirin xiliyadii CIGAAL IYO RIYAALE hadeera dantu ku qasabtay in salaadiinta beelahaasi jigjiga sacabada hoos dhigtaa rag col u ah somalilaand oo markii hore ka tirsanaan jirey jabhadii ugaadeeniya hadeera soo xerooday oo aargoosi wada

marka intaasoo arimood iyo qaar badan oo aan saxaafada kala xishoodayba jiraa maxay sheegaysaa giin baar la bedelay iyo 50 doolar maa mushar lagu kordhiyey
waxaa la yidhi aduunyadu waa sadex 1_wa tegey oo aan soo noqonaynin 2_wax jooga oo taladeedii la hayo3_wax mustaqbala ilaah baa ka warami kara taas!!!!
hadeer waxaan leeyahay reer sanaagoow wixii idin dhaafay soo noqon maayaan in badana been baa laydinkaga dhaansaday beentana in laga ilbaxaa wacan somaliduna waxa ku maahmaahdaa beenta waa lagu cabaa ee laguma rakaato bal yaan beenta kii idiin sheegay ee dhabarka idiin soo jeediyey mar labad idinkaga cabin been danbewadadan baas ee ina gumaysey ee kii xil doonayaba uu soo qaadanayona ilaah baa xiliga ay dhismi doonto og waana wax qorane samirka adkaysta
Door hore hadii aag gashoo dabin laguu qoolay
Deris inaad ka dhaxashay ahayd iyo digtoonaane
Daacadnimadu waa waxa ku baday diilalyiyo ciile
Doorkii kastaba been cad oon laga dawoobeynin
Dariiq laamiyiyo riigag badan dabaqyadaan taagi
Baddaan soo duwaayaa dhulkaan dalaga maanshayne
Dahab baan ka dhigi buurahoo dheemantaa dihine
Dariiqii xornimadaan aqaan dawga loo maro e
Duf ku baxa dadkaygoow miyaan beenta laga daalin

KULMIYENA waxaan leeyahay somalidu waxay ku maahmaahdaa MEEL LEG LAGU CUNAY LAFO LAGUMA RUUGO !!!!!! dadkan masaakiinta ahi waa kuwii idinla soo kifaaxay ee aad cidlada kaga dhaqaaqdeen been beentii hore ha ugu sii darina ee ilaahay ka cabsadoo iskaga taga oo ka joojiya burburinta iyo tafaraaruqa aad ku haysaan wada jirkooda hana ku hodina balanqaado
danbe (MUSLIN LABA JEER HOG LAGUMA QANIINO) koley xiiso badan laydiinma qabo sheekadan shirarka lagu afduubayona waa laydinkaga danbeynayaa ee hays macaashiinina
waxaa is weydiin leh intaan doorashadu soo dhowaan maxaad u tegi weydeen gobolka oo maanta markii aad u soo gaajooteen codadkii bilaa xisaabta ahaa ee aad uga barateen xiligii laydiin jeclaa aad ugu soo qayla diranaysaan waa maxay salaadiinta iyo cuqaasha dib boodhka looga tumayaa miyaadaanse ogayan in dadkii hada wax badan fahan san yahay?

KULMIYOOW ma adaa abaalaawe ah mise shacabkaa idinka gardaran?
maxaa ka qaylaalsiiyey taageerayaashiinii fara badnaa aawey reer GEBILEY ,aawey raar BALIGUBADLE, aawey reer SANAAG , BURCO iyo HARGAYSI maxay la foororaan

waxaan xasuustay maahmaah somaliyeed oo ahayd wiil yar oo sadex jiraa ayeeydii adhi la raacay ka dinba islaantii waxay iska rifaysey timo , timuhuna marka la jarayo waa xanuun miidhan ka dib markay tin iska jartoba islaantu way qaylisaa
kii yaraa baa yaabay cid ayeeydii dilaysana waa garan waayey ka dib waxuu ku yidhi (AYEEYO ADIGAA IS DILAYEE IS DAA) waxaan KU SOO GEBAGEBAYNAYAA
KULMIYOOW ADAA IS DILAYEE IS EERSO
shacbkana guud ahaan iyo gaar ahaan reer sanaagna waxaan leeyahay kuwii hore ee aad ku xiiqdeena waad aragtaan kuwan cusubna waa siyaasiyniin oo waxay noqon ilaah baa oge midnimadiina derisnimadiina ilaashada oo yaanu idin kala dilin min maalinta ololuhu dhaamdo aragtidiisa iduunku danbayso !!!!!!! waxaan ku soo gunaanadayaa maansadan yar


derbigiyo xeradii
geelii ka dida ee
debedawga yaacaa
in dugaag cabsiiyaa
debedaha u tuban yahay
caloow waw dareen qabey

shacabkii damqanayee
digtaatoori uu helo
dibindaabyo lagu falo
inuu wada dunuunuco
debedaha ka qayshaan
iyana waw dareen qabay

hadaan laysku duubnaan
daw qudha la wada marin
damaca iyo xildoonkiyo
danta gaara laga tegin
daacad runa la wada noqon
waa diririg sheekadu

madax dhaqankan duuliyo
duubabkiyo suldaanada
hadaan diirad lagu hagin
dariiqooda lagu sixin
doqonkiyo siyaasiga
dabar celiya loo helin
dabadhilifka laga tegin
miyaa reerku degayaa

degalkaan ku dhalaniyo
dalkii bayna sugayee
hadaan doorkan loo talin
dumarkiyo caruuruha
danyartiyo maatada
daryeel loogu talo gelin
dedaal fiican lala iman
damdamta iyo sheekadu
dawo nooma soo sido

magacaan duleynee
duumaale baa,bay
meeshuu ka dumug yidhi
nin ragaa dareemoo
doqon looma sheegee
intuu doonis leeyahay
hadaan daawo loo helin
doco kala gurkeediyo
daadeg hoose laga deyn
dusha sare la taagnaan
tolnimada la daydeyin
hiil laysu doontaa
duuf buu inoo yahay

misde iga dardaarana
ninka damacu jiitee
durdurada xilkuun raba
taadiina daayacay
dabar kuuma xidhayee
dibnahaaga haw furin

ninka ciil dumudhiyee
waxaan doorkan ool iyo
tolka kala didkiisiyo
docdocaynta kula raba
daciif nacasa weeyee
isagana ka diga rogo
noqo ul iyo diirkeed

jaamac caanoboodhe
oogle69@hotmail.com
 
********************************************************
Hadhwanaag marnaba masuul kama aha aragtida dadka kale. Qoraaga ayaa xumaanteeda, xushmadeedda iyo xilkeedaba sida. waxa keliya oo hadhwanaag media dhiirigelinaysaa, isdhaafsiga aragtida, canaanta gacaliyo talo wadaagga.

Friendly Link
– Afnugaal.com – Afrodigg.com – Aftahan.org – Alhidaaya.info – Alimuse.com – Allaybaday.com – Awdalnews.com – Baligubadle.com – Batalale.com – Berberanews.com – Qarannews. – somalidiasporanews.com/ – SomaliPC – togaherer – www.aminarts.com –

©2001 - 2010 Hadhanaagnews Media Network All Rights Reserved.