Burco: Hay?adda Ilaalinta Hawada Adduunka ee ICAO oo kormeer ku timi Madaarka Burco (SAWIRO)

Engineero ka socday hay?adda ilaalinta Hawada Addunka  ICAO oo u dhashay waddanka INDIA Fadhigeeduna yahay Waddanka CANADA ayaa maanta kormeer ku sameeyey Madaarka Burco .

Engineeradan oo uu casuumaad u fidiyey wasiirka duulista hawada maxamud xaashi cabdi ayaa indho indho ku soo sameeyey Run wayga Madaarka iyo cabbiray Diyaaradaha iman kara madaarkan wakhtigan.

Engineerkan u dhashay waddanka india  ayaa sheegay in Diyaaradaha Boqolka Qof qaada ee IL

18 ay ka soo degi karaan kana dhoofi karaan madaarkan, isla markaasna uu yahay madaar carradiisa hoose adagtahay.

Waxa uu engineerkani sharraxay  qaab dhismeedka uu yeelan doono madaarkan isagoo soo jeediyey in la bedelo Terminaladii hore ee madaarka lana dhiso Terminal cusub oo madaarku yeesho.

Waxa uu Engineerkani u sharraxay engineerkii madaarka dhisayey ee Eng Faarax xuseen qaabka uu u dhisayo Terminalka madaarka, isagoo sheegay in terminal kani yahay mid qadiimi ah.

Waa markii ugu horeysay ee ay Dalka yimaadaan Engineeradan Caalamiga ah ee ka socday Hay?adda Ilaalinta Hawada Adduunka ee ICAO , waxaana Nasiib u yeeshay Gobolka Togdheer iyo madaarka Burco.