Hordhac:
Sheekadan waa kaftan qosol huwan oo aynu ku  faaqidi doonno xaajada xoollo ururinta Xusbiga UCID madaxdiisa sare debbeda  ku marayaan, isla markaana taageerada dhaqaale ku waydiisanayaan  taageereyaasha xusbiga UCID. Hadaba Madaxda Xusbiga UCID  oo uu ugu horeeyo Madane Faysal Cali Xuseen Iyo Jamaal Cali Xuseen ( ILMA CALI XUSEEN) ayaa toddobaadadan  gallaa bixinayey xaflado iyo shirar ay la yeelanayeen Bulsho waynta Somaliland intooda taageerta Xusbiga UCID, shirarku waxay ka billaameen Dalka Ingiriiska magaalooyinkiisa kala duwan, sidda aynu filaynona waxay mari doonan Qaaradan yurub meeshii ay wax ka filayaanba. Xusbiga UCID oo imika ay hogaanka ollolaha u hayaan Mudane Faysal iyo Jamaal, ayaa Mudane Faysal  caddaadis dheeraad ah ku saarayaa Mudane Jamaal in uu Kasbado Taageerada Shacabka

isla markaana uu aftahanimo iyo errayo soo jiidasho leh dadka ka hor yidhaaho maaddaama Mudane Jamaal lagu bartay Diiwaanka-Qosolka. Waxaa siddooo kale Mudane Faysal leeyahay Jamaalow  Xusbigan 10 sanno ayaan soo wadday aniga iyo cidii i taageeri jirtay (Beeshayda) Shillin naguma hadhine xusbiga deber oo  dhaqaallaha ka soo ururi taageeroyaashaada( beeshaada) Faysal wuxuu ku doodayaa in Xusbigu maanta marti u yahay Jamaal iyo taageeroyaashiisa.  Jamaal oo cannaan badana qabba ayaa markii uu Ingiriiska yimi wuxuu abaabullay  laba shir ama xafladood oo ka dhacay Bristol Iyo Birmingham haseyeeshee siddii Mudane Faysal filayey Xafladuhu umma dhicin waxaana ka soo qayb gallay tirro dad ah oo aan sidda u badnayn isla markaana ka socda dhinnac Mudane Jamaal Cali Xuseen, siddoo kalena Faysal oo sugayey in xafladan Xusbiga Dhaqaale badani ka soo geli doonno ayaan arkin wax  qaadhaan ah oo siddaa u badan oo  lagga soo ururiyey dadkii markaa Shirka ka soo qayb gallay ee dhinnaca Md Jamaal ka socday. Haddaba Markii Shirrarku dhamaaddeen ayaa waxaa sheeko kaftan  ah isla markaana aan ka foggeyn xaqiiqda waxay dhex martay Mudane Jamaal Cali Xuseen oo markaa isagu ah Musharaxa Xusibga UCID iyo Mudane Faysal Cali Xuseen oo ah Gudoomiyaha Xusbiga Ucid. Dhinnaca kalena Labbadan  Masuul oo Sidda magacayadooda ka muuqata waxaa labaddooda magac ee danbe  noqdeen isku mid  Jamaal Cali Xuseen  Iyo Faysal Cali Xuseen,(ILMA CALI XUSEEN) Dadka qaar badan oo aan aqoon u lahayn labbada Masuul iyo meelaha ay ka soo kala jeeddaan ayaa  u malaynaya in ay Walaalo yihiin.
 
Md Faysal: Waar Jamaal Magaalooyinka miyaan reer Berbera deggin, illeen waatan oo cidiba inooma imane, xafladii horre ee Bristol shan iyo tobban qof ayaa innoo yimi oo shantu reer Salaxlay ahayde?
 
Md Jamaal: Faysalow saaxiib miyaadan arkayn wacdarihii aan Birmingham ku soo bandhigay iyo sidda dadku isoo dhowaynayeen waxaas oo dhami waxay ahaayeen Shacbigii i taageersanaa ee Musharaxnimadayda ku faraxsanaa.
 
Md Faysal: Dee Jamaalow dadku waa badnaayeen laakiin sidda  lay sheegay waxay mooddayeen in  Book-gii Diwaanka-Qosolka meesha lagu soo bandhigayo may oggeynba in meesha Xusbi ku shirayo isla markaana Dhaqaalle waydiisanayo dadka.
 
Md Jamaal: Maya maya Mudane dadku meel kasta siddaa ayay iiga sugayaan iinna soo dhowaynayaan sababtoo ah waa dadkii aan ka qoslin jirray, runtii waana i jecel yihiin, illaa hadda ma jiro qof sidda aan ugga qosliyey uga qoslin karayaa.
 
Md Faysal:   Insha allaahu  tacaalla waxa weeye, horta dee innagu siddaad og tahay  dad baynu u baahanahay, dhaqaale ayaynu u baahanahay, aniga  waad og tahay oo mudo  10 sanno ah ayaan xusbiga  soo wadday aniga iyo dadkii i taageeri jirtay waxaanu dul dhigney naf iyo maal muruq iyo maskax, maanta dadkii tobbankaa sanno i soo taageerayey dee waxay igu taageerayeen Faysal baa madaxwayne noqonaya ee keenna  lacagta, maanta haddii aan idhaaho lacag kale keena dee waxay odhanayaan insha allaahu Jamaal  iyo  beeshiisu Lacagta ha keenaan illeen isagaa madaxwayne noqonayee, markaa  maanta dee Xusbigu adiga ayuu ku daba fadhiyaa  wax kasta oo ay tahayba weliba xagga  luuqada iyo aftahanimd dadka lagu soo jiito maalmahan markii aad hadlaysey waan arkayoo hadalkaaga looma sacabeynen aniguna waxaan islahaa ninkani waa qosol-yahan waynoo  dadkaba UCID buu soo gellin doonaa. Dee markaa bal Insha allaahu tacaalla xusbiga u deddaal anigun waan iska daalaye, ama dadka ka qosli ama xanaajiyoo.
 
Md Jamaal: May may Mudane Faysal anigu nin aqoonyahan ah oo wax kasta la socda ayaan ahay  xaalladaha oo dhan og, markaa waxaan balan kuugu qaadayaa in aan xusbiga xanbaaro, waad og tahay in aan banks heer caalami ah ka soo shaqeeyey waan aqaannaa Sidda lacag loo sameeyo, siddoo kale  siddaad adba sheegtay dadka sidda loo kasbado waan aqaan oo  haddii aan ku idhaaho qosol baa jirree soo dareera dunidaba qof ku hadhi maayo, haddii aad oggaan lahayd inta aan FACEBOOK FRIENDS haysto yaab ayaa ku dilli lahaa  ma jirro qof iga FACEBOOK FRIENDS badan adduunka, weliba lacag ayay ii soo ururin lahaayeene meel ay soo marriyaan ayaanay garanayn waxaanse isku deyi doonnaa in aan Dahabshiil Account ugga furo, kadibna Wall-lashooda uggu tag gareeyo, si ay  dhaqaalaha xusbiga u soo dirraan.
 
Islaan Xafladii Birminghan ka soo qayb gashay: Hooyo Faysalow Ilahay waxaan kaaga baryayaa wax roon  ilahay xusbiga UCID ha guulleyo. Oo Hooyo Waxan ku Waydiiyey Faysalow Wiilkan  la yidhi Jamaal Cali Xuseen baa la yidhaahaa oo Xusbigii UCID isaga ayaad ku wareejisay Ma Da´dii kaa yarayd baa?
 
 
 
 Cali Kayse Kabadhe
Amstedam/ Netherlands
Calikayse@live.com