Waxaan u mahad celinayaa dhamaan madaxda iyo taagerayaasha ururka RAYS ee suurta geliyay in uu ururkani noqdo mid ka dhexmuuqda ururada somaliland ka jira, waxaanuna kalsooni ku qabnaa taagerada balaadhan ee dhamaan gobolada somaliland ee ururka RAYS inay tahay mid sahlaysa inuu ururkani u gudbo xisbi qaran.

Maanta waxaan halkan hanbalyo iyo soo dhaweyn uga soo jeedinaynaa garabkii ururka NASIYE ee dhawan kusoo biiray ururka RAYS waxaanuna leenahay soo dhawaada. Garabkan oo ay ka mid ahaayeen xildhibaan ka tirsan golaha guurtida iyo gudoomiyihii gobolka maroodi jeex ee nasiye, lix xildhibaan oo wata taagero mug leh, iyo weliba gudoomihii garabka haweenka ee gobolka maroodi jeex.
Walaalahayaga reer NASIYE ee ku soo biiray RAYS waxaan leenahay farxad ayay noo tahay inaad

nagusoo biirteen waqtigan loo diyaar garoobayo doorashada golaha deeganka waxaanuna qabnaa inaad wax badan ku soo kordhinaysan RAYS.



Wa billahi tawfiiq.

Gudoomiyaha Xidhiidhka Guud ee
Ururka  RAYS.
Mustafe Omar Farah