Gabiley(HWN)-Wasiirka Wasaarada Arimaha Dibada Somaliland Dr Maxamed
C/laahi Cumar ayaa galinkii dambe ee maanta kulan is xogwareysi
xaalaadka Gobolka ah oo albaabadu u xidhan yihiin kula yeeshay Gudaha
Magaalada Gabiley Maamulka Gobolka ka iyo Degmada, Duqeyda iyo
Waxgaradka Gobolka Gabiley, iyo xubno kamid ah Xildhibaanada Golaha
Deegaanka Degmada Gabiley si ay isaga wareystaan Arimaha Gobolka ee
dhinacyada Arimaha Bulshada waxqabadyada u qabsoomay iyo arimaha kale
ee tabashooyinka ah.
Wasiirka Wasaarada Arimaha Dibada Dr Maxamed C/laahi Cumar oo
kulankaasi kadib si gaar ah uga waramey Shabakada Wararka
Hadhwanaagnews ayaa sheegay, in kulankani ahaa sidii Xukuumadu u ogaan
laheyd Guud ahaanba Arimaha Gobolka Gabiley kajira Waktigan Xaadirka
ah isagoo Wasiirku Xusey in Kulankiisani gaar ka ahaa Socdaalkii
kadiska ahaa ee Madexweynuhu kusoo Gaadhey Maanta Magaalada Gabiley ee
Xarunta Gobolka Gabiley.
Wasiirka Wasaarada Arimaha Dibada Dr Maxamed

C/laahi Cumar oo
Shabakada Wararka Hadhwanaagnews uga waramey ugu horeyn waxyaabihii ay
ka wada hadleen Masuuliyiinta Gobolka iyo Maamulka Degmada iyo Duqeyda
Waxgaradka iyo Xildhibaanada Golaha Deegaanka Degmada Gabiley waxa uu
yidhi.
"Marka hore Kulnakeygan aanu wada yeelaney Gudoomiyaha Gobolka,
Maayarka Degmada Xoghayihii D/hoose Duqeydii, Cuqaashii iyo xubno
kamid ah Xildhibaanada Golaha Deegaanka Gabiley, waxa uu la xidhiidhaa
sidii aanu isaga wareysan laheyn Arimaha Hurumarka Gobolka Gabiley iyo
Sidii gacmo isku duuban looga wada shaqeyn lahaa islamarkaana, dhinac
looga soo wada jeesan lahaa Guud ahaanba Xaalada jirta iyo wixii lagu
kordhinayo Hurumarka Gobolka waxaananu isla meel dhigney Qodobo muhiim
ah oo ay kamid yihiin Waxyaabaha la qabtey iyo waxa loo baahan yahey
in hada la qabto, oo ay kamid yihiin Mashruuca Biyo Galinta
Tog-Wajaale oo dhawaan bilaabmeysa Wixii munaasib ah ee u baahan in
Xukuumada sare loo Gudbinayana waan Gudbinayaa, isagoo Madexweynuhu
aad u daneynaya Reer Gabiley iyo Gobolkanba in wax laga qabto, koleyna
waxa uu kulankayagaasi ku dhamaadey is afgarasho wanaagsan"Ayuu yidhi
Wasiirku.


Waxaanu intaa ku darey hadalkiisa isagoo ka jawaabayay Wasiirku Su,aal
la weydiiyay oo ku sahabsaneyd Cabashooyin la xihiidhey dhinaca
Cashuuraha Beeraha iyo Ganacsatada Tog-Wajaale waxa uu yidhi.
"Horta in Cashuuraha la bixiyaa waa Dowladnimadena dadka Reer
Gabileyna kama filayo in ay Cashuurihii ay ugu horeeyeen bixintooda
diidi karaan laakiin, dareen yari wuujiraa Waxaanan ku dardaarayaa in
ay bixiyaan Cashuurta koleyna wixii tanaasulaad ah ee loo sameynayo
Beeraleyda waxay kawada hadli doonaan Wasaarada Maaliyada waxaana ingu
waajib ah in aan hadal laga keenin bixinta Cashuuraha kolay duruufo
wey jiri karaan oo Roobabkii Sanadka ah iyo xiligii Shinida laakiin
waxaan rajeynayaa in dareenkaasi iska dhamaan doono".Ayuu yidhi
Wasiirka Arimaha Dibada Somaliland Dr Maxamed C/laahi Cumar.


Ugu Dambeyntiina waxa uu ka hadley Wasiirka Wasaarada Arimaha Dibadu
Dr Maxamed C/laahi Cumar Siyaasada Arimaha Dibada Somaliland oo uu
sheegay in ay wakhtigan maraaxilkii ugu wanaagsanaa Xukuumaduna aanay
u yareysan dedaalada dhinaca Diblamaasiyada ee ay albaab walba ku
garaaceyso Raadinta Ictiraafka iyo Waxaanu Bulshada Reer Somaliland ku
hambalyeeyay sida ay meel uga soo wada jeedaan Raadinta Ictiraafka iyo
halka ay qadiyad ahaan kawada taagan yihiin iyo waliba sida ay u
ilaaliyaan Nabegelyada oo lafdhabar u ah nidaamka Dowladnimo, isagoo
Dhinaca kalena xusey in Dowlada Itoobiya oo hada Maamul Cusub yeelatey
ay inaga dhexeyso wada shaqeyn iyo xidhiidh lafdhabar ah taas, oo
aanay hadana waxba iska badelin oo uu xidhiidhkaasi sidii yahey.


Dadweynaha Reer Gabiley ayaa mudooyinkii u dambeeyay aad u qadariya
Wasiirka Arimaha Dibada maadaama aanu faragalin Mushkilad ah
habayraatee ku laheyn Arimaha Maamulka Gobolka iyo Degmooyinkiisa taas
oo kalsooni badan siisay oo ay Ku Aaminaan Reer Gabiley.

Wariye C/raxmaan-Hiiraan
Hadhwanaagnews Gbiley Office
Email:hiiraan2007@gmail.com