Gobolka iyo degmada Baligubadle ee xarunta Gobolka HAWD, Suldaan Cumar, odayaasha iyo dadweyne kale
Agaasimaha guud ee Wasaarada Xanaanada Xoolaha Somaliland Dr. Maxamuud Axmed Maxamed (Cagaweyne) oo ka hadlayey munaasibadii dhagax dhiga xarumahaasi ayaa waxa uu yidhi ?Waxaan maanta tagnay Degmada Balligubadle oo aanu halkaas kula kulanay Badhasaabka Gobolka HAWD, Maayarkii Magaalada, iyo Suldaanka guud ee beelaha halkaasi dega Suldaan Cumar Suldaan Maxamed Suldaan Faarax,waxaana nala socotey hay?ada Islamic Relief iyo Shirkadii dhisaysay xarumaha loogu talogalay Xanaanada Xoolaha ee Gobolka Maroodijeex, halkaas oo ay na geeyeen dhul wanaagsan oo ay noo calaamadiyeen dhul dhinac walba 100-mitir u ah, halkaas oo aanu ka dhisayno laba qol iyo laba musqulood iyo dayr iyo meeshi xoolaha lagu talaalayey si wanaagsan ayey noo soo dhaweeyeen hawshaasina way noo qabsoontey, kadib markii aanu halkaasi ka qadaynay ayaan ka nimid?
Isaga oo hadalkiisa sii watana waxa uu intaa raaciyey oo uu yidhi ?Waxaanu u anbabaxnay degmada Sallaxlay oo aanu intaa in leeg ka sameynay, oo Maayarka degmada Sallaxlay iyo guddidii deegaanka ayaa iyaguna meel wanagsan na geeyey oo aan dhagax dhignay, markaa labada degmo waanu soo dhameynay. Labadan Xarumood ee aan ka soo dhagax dhigay degmooyinka Baligubadle iyo Sallaxlay waa xarumo lagu talaalayo, laguna daryeelayo Xoolaha degmooyinkaas.?
Dhagax dhiga labadan Xarumood ee degmooyinka Baligubadle iyo Sallaxlay ayaa ka danbeeyey qorshe ay Wasaarada Xanaanada xooluhu ku doonaysay inay shan xarumood oo ka tirsan Gobolka Maroodi-jeex kalana ah Daarasalaam, Sabawanaag, Cadaadlay, Balligu-badle, iyo Sallaxlay ka sameyso xarumihii lagu caafimaadinayeyxoolaha, Waxaanu Wasiirku Xarun hore ka soo dhagax dhigay degmada Darasalaam, isku geyntooduna waxa weeyaan sadex degmo inta uu dhagax dhigay.
Mustafe-Jannaale
Hadhwanaagnews.com/Office
Hargeysa/Somaliland
Email: janaale94@gmail.com