Hargeysa(HWN):-wasiirka kaluumaysiga iyo khayraadka bada Cabdilaahi Jaamac Cismaan(Geel Jire) ayaa difaacay waxqabadka xukuumada ee ay ku qiimeeyeen inay fuliyeen 70%.
Wasiirka kaluumaysiga iyo khayraadka bada oo maanta ka hadlayey munaasibad uu xilka kula wareegayey wasiirka cusub ee wasaarada dib u dejinta Somalilannd Saleebaan Ciise Axmed ayaa waxa kale oo uu sheegay in mudada ay u hadhsan xukuumada ay sii wadi doonto waxqabadyadii ay balan qaaday wakhtigii ay mucaaridka ahaayeen.
FONT-FAMILY: ?Arial Narrow?,?sans-serif?; FONT-SIZE: 14pt">Ugu horayn wasiirka oo ka hadlaya waxqabadka xukuumada ayaa yidhi ?waxaanu qiimaynay balanqaadkii aanu qaadnay markii xukuumada aanu soo galaynay, balamadayadii markii aanu qiimaynay waxaanu is nidhi 70% waanu qabateen, balse halkaa kaga tagi mayno ee sadex sanadood ayaa noo hadhay, markaa inta dhiman iyo inta nagu soo baxday wax badan ayaanu ka qaban doonaa.?
Wasiirka kaluumaysiga oo hadalkiisa sii wata ayaa intaas raaciyey ?Waxa nalagu dhaliilaa arooskooday ka mushxaradeen oo way is amaaneen, dee wixii aanu qabanay waanu sheegaynaa wixii naga dhimana waanu sheegaynaa, wixii shacabka iyo urrurada siyaasadu arkaaan waanu qiimaynaynaa oo waanu qaadanaynaa, ka aamusi mayno inaanu waxqabadkayaga sheegno, wixii aanu qabanay inaanu dadka wax ku waydiisanana xaq ayaanu u leenahay,?
Ugu danbayntii wasiirku waxa fariin u diray shacabka Somaliland oo uu ka codsaday inay garab istaagaan xukuumada si way waxyaalaha ka hadhay balan qaadkeedii u fuliso ?Walaalayaal waxaanu ognahay inay dalka baahiyo badani yaalaan oo u baahan In wax laga qabto, laakiin waxaanu ku dedaalaynaa inaanu qorsho la nimaadno kaas oo aanu wax badan ku qaban karno, laakiin marka shacabka nagu taageero ayaanu wax badan qaban karnaa.?ayuu yidhi wasiirka kaluumaysiga iyo khayraadka badu.
Cabdirisaaq Good Nuur
Hadhwanaagnews/Office
Hargeysa/Somaliland.
Goud423@gmail.com