Hargeysa(HWN):-masuuliyiinta dalada ururada aan dawliga ahayn ee SonSaf ayaa maanta kulan albaabadu u xidhan yihiin la yeeshay guddida siyaasada arimaha dibada iyo iskaashiga caalamiga ah ee golaha guurtida.
Kulankan oo ka dhacay xarunta golaha guurtida Somaliland ee magaalada Hargeysa ayaa markii uu dhamaaday waxa ka war bixiyey gudoomiyaha guddida siyaasada arimaha dibada iyo iskaashiga caalamiga ah ee golaha guurtida md. Sahal Iidle Xasan waxaanu sheegay inay masuuliyiinta SonSaf ka wada hadleen waxqabadla hay?addan waxaana hadaladisii ka mid ahaa ?waxaanu la
kulanay saaka hay?adda Sonsaf ee maxaliga ah taas oo ah hay?ad muujisay waxqabad aad u fiican, lana shaqaysa wasaarada qorshaynta qaranka, warbixintooda ku cadna waa hay?ad kulmisa ururada bulshada waxaanay ka kooban tahay sida ay noo sheegeen masuuliyiintoodu shan waaxood oo balaadhan kuwaas oo kala ah ururada bulshada, xirfadlayaasha,culimo u diinka,cuqaasha iyo qaybaha gaarka ah ee bulshada, waxaanay na siiyeen warbixin aad u balaadhan oo taabanaysa qaybo badan oo bulshada ah, waxa muuqanaysa in aqoontii shacabku shaqaynayso oo dadkii aqoonta lahaa ay u soo jeedsadeen inay waxqabadkooda dalka u muujiyaan, markaa waanu uga mahad celinaynaa sida ay nooga soo ajiibeen dalabkayagii aanu kaga codsanay inay noo yimaadaan.?
Dhinaca kale gudoomiyaha dalada ururada aan dawliga ahayn ee Sonsaf Aadan Xaaji Cali oo isaguna ka hadlay kulanka ay la qaateen guddida siyaasada arimaha dibada iyo iskaashiga caalamiga ah ee golaha guurtida ayaa waxa uu sheegay inay uga warameeen waxqabadka dalada waxaana hadaladisii ka mid ahaa ? saaka waxa noo yeedhay guddida siyaasada waxaanay naga codsadeen hadii aanu nahay isku xidhka ururada aan dawliga ahayn, inaanu warbixin iyo xogwaraysi isa siino maadamaa golaha guurtidu yihiin gole dastuuriya, guddidanina ay yihiin gudi u qabilsan arimaha siyaasada sharciya,waanu hor nimid anaga oo aad ugu faraxsan inaanu la kulano, hadii aanu sonsaf nahay waxanu uga waranay waxay Sonaf u taagan tahay,waxqabadkeeda iyo waxyaalihii aanu kuguulaysanay mudadii aanu jirnay, imika hawlaha balaadhan ee aanu gacanta ku hayno,sida aanu doonayno inaanu uga qayb galno doorashada anaga oo imikana diyaarinayna dhinaca goobjoogayaasha maxaliga ah, waxaanu uga waranay shirar caalamiya oo aanu ka qayb galnay oo aanu codka bulshada gaadhsiinay.
Waxa kale oo aanu uga waranay wakhtigan doorashada laga jiro aanu doonayno inaanu diyaarino muraaqibiinta maxaliga ah ee doorashada iyo dhinaca wacyi galinta, mustaqbalkana waxaanu uga waranay waxyaalaha aanu higsanayno, markaa kulan aad u wanaagsan ayaa na dhex maray guddidan ka tirsan golaha guurtida Somaliland.? Ayuu yidhi gudoomiyaha gudida dalada ururada aan dawliga ahayn ee SonSaf.
Halkan Guji Oo Ku Dhagayso Mobile-kaaga
Cabdirisaaq Good Nuur
Hadhwanaagnews/Office
Hargeysa/Somaliland
Goud423@gmail.com