Munaasibadii Ciidal Carafa ee Magaalada Gabiley iyo Kumanaan Qof oo Kasoo Qeyb Galey Salaada Ciida + Sawiro

(Hadhwanaagnews) Friday, October 26, 2012
Gabiley(HWN)-Munaasibadii Saalaada Ciidal-Carafa ee Magaalada Gabiley oo lagu tukadey Garoonka Kubada Cagta ayaa, waxa saaka subaxdii hore kasoo qeyb galey

Gabiley(HWN)-Munaasibadii Saalaada Ciidal-Carafa ee Magaalada Gabiley
oo lagu tukadey Garoonka Kubada Cagta ayaa, waxa saaka subaxdii hore
kasoo qeyb galey kumanaan qof oo kamid ah Dadweyanaha Reer Gabiley
Maamulka Gobolka Gabiley iyo ka Degmada oo Si Qurux badan ugu soo
labistey Dharkooda ugu Quruxda badan iyo kuwa cusub oo ay ugu
talagleen Munaasibadan ciida .

Culimada Waaweyn ee Magaalada Gabiley ayaa, ka jeediyay ka hor iyo
kadib Salaadii Ciida-Carafa khudbado diini ah oo ku sahabsan ajriga
Maalinta Carafa iyo Gudashada Waajibaadka Xajka Barakeysan ee Bishan
lagu soo guto dhulka barakeysan ee Islaamka gaar ahaan Xaramka oo
taqwo iyo dambi dhaaf illaahey ay ku baryaan sanad kasta Umada
Muslimiinta Aduunku, waxaana khudabadihii Salaada Ciida ka jeediyay
halkaasi Sheekh Xasan Jaamac, iyo Sheekh Maxamed

Qaalib oo intii ugu
badneyd halkaasi uga jeediyay kumanaan qof oo kamid ah dadweynaha Reer
Gbiley ee kusugnaa Garoonka Kubada cagta si ay u gutaan Sunaha Salaada
Ciida.

Gudoomiyaha Gobolka Gabiley Axmed Cali Nuur oo ay noqoneyso markii ugu
horeysay ee uu dadweyne intaa leeg oo kamid ah Bulshada Gobolka
Gabiley kala hadlo fagaare Munaasibada Ciida kusoo beegmay tan iyo
markii dhawaan loo soo Magacaabay xilka Gudoomiye ee Gobolka Gabiley
ayaa, isagu si taxadir leh ugu jeediyay dadweynaha Khudbad kooban oo
uu kaga Hadley adkeynta dhinaca Amaanka iyo wacdi uu ku wacdiyay Guud
ahaanba dadweynaha Reer Gabiley in looga baahan yahey in ay oogaan
Cibaadada oo uu ku tilmaamay in ay u muuqato in laga gaabiyay sidii ay
beryaha qaar uga aawanaan jirtey oogista cibaadadu Gobolkan isagoo
dhinaca kalena hlkaa ka xusey fariinta Madexweynaha ee Salaanta
Shacbiga Farxada Munaasibada Ciida Awgeed.

?Waxaad mooda in aynu maanta ka hooseyno halkeynu konton sano taagneyn
inagu Gobol ahaan waxeynu aheyn dad ku fiican Cibaadada, waxaana la
inooga baahan yahey in aynu umad ahaan is farno kheyrka iyo cibaadada
waxaanad arkeysaa maanta waxyaabo kaa yaabinaya umada Islaamku waa ta
ugu kheyrka badan inaga ayaa dariiqaa ka leexan karna ama ku taagnaan
karna, walaalayaal waxaan hadalkeyda kusoo koobayaa ineynu adkeyno
amaanka?Ayuu yidhi Gudoomiyaha Gobolka Gabiley Axmed Cali Nuur.

Xoghayaha D/hoose ee Degmada Gabiley C/raxmaan Nuur Abokor oo isaguna
halkaa ka jeediyay hadalo kooban ayaa ku dardaarey dadweynaha Reer
Gabiley in ay gacan siiyaan oo ay la shaqeeyaan Ciidanka Amaanka
Doorashooyinka D/hoose ee fooda inagu soo haya awgood islamarkaana ku
dardaarey in ay muqadas tahey in lala wadaago Ciidanka Booliska
Gobolka Gabiley in lagala shaqeeyo xoojinta iyo adkeynta amaanka.

Munaasibada Ciida-Carafa ayay Guud ahaanba Shacbiga Reer Gabiley
maanta ku qaabileen jawi aad u fiican iyadoo, dadweynaha siweyn looga
dareemayay farxad iyo Salaan kal iyo laab ah oo ay isku saamaxyeen
intooda ugu badani islamarkaana ay illaahay isaga baryayeen Caafimaad
iyo Cimri dherer in illaahay ku gaadhsiiyo Ciida Ciideeda.

Munaasibadan Ciida Carafo, iyo Ciidii ka horeysay ee Ciidal-fidriga
ayaanay Dadweynaha Reer Gabiley kala soo qeyb galin Wax Masuuliyiin ah
oo ka socda Golaha Xukuumada sida Wasiiradii Ciidihii ka horeeyay soo
gaadhi jirey Magaalada Gabiley ee Xarunta Gobolka Gabiley.

Wariye C/raxmaan-Hiiraan
Hadhwanaagnews Gabiley Office
Email:hiiraan2007@gmail.com

Friendly Link

– Afnugaal.com – Afrodigg.com – Aftahan.org – Alhidaaya.info – Alimuse.com – Allaybaday.com – Awdalnews.com – Baligubadle.com – Batalale.com – Berberanews.com – Qarannews. – somalidiasporanews.com/ – SomaliPC – togaherer – www.aminarts.com –